時間很快今天已是三月三日了，雖然還有28多天三月份才完結，但福建水電發電量的初步數據令人不敢樂觀。根據網上資料，今年至2月底前，福建省水電發電量和水庫入水量大致低於去年同期的三成有多(即是舊年第一季已經不算好，但今天更差)。以此推測，去年華電福新(816)公布2013年第一季度業績後股價走低的曆史可能今年又重演。
此外，現在(a)寧德核電有兩台核電機組投產、(b)其它公司火電裝機投產和(c)外省購電量減少等因素也會影響華電福新今年在福建的售電的收入。(註：華電福新的福清核電今年七月有一台機組投產發電。)
至於風電，由於棄風限電地區限電情況明顯好轉，2013年全國風電的平均利用小時數達到2,074小時，同比提高184小時。而最近“十二五”第四批擬核準風電規模達27,600MW，大大超出業界20,00MW的預期。無可否應，風電前景一片美好，但21世紀經濟報道(http://biz.21cbh.com/2014/2-26/3MMDA0MTdfMTA3ODI3Mg.html)最近又重提國家發改委/國家能源局有意醞釀下調風電上網電價(筆者估計醞釀得來可能也有一、兩年後的事，而且可能只影響新風電場) 。二大下調原因有：一是風電技術改進、風電機組價格明顯下降；二是可再生能源電價附加資金缺口較大。所有，雖然大行不斷提高風電股目標價，小投資者也要獨立分析和提防風險。
至於筆者，目標價已達所以不等2013年業績公布已經沽清所有新能源股了，暫且抖抖。
免責聲明: 由於部分資料來自網上或筆者觀點/計算有誤，本圖表/本文內容可能存在錯漏和僅供參考之用。讀者在作任何投資決定前請諮詢專業人仕及自行承擔一切投資風險。
stockbisque 
哈哈，你唔係話揸華電福新揸到5-6蚊架咩 XDDD
不過我都將d錢由福新轉左去新天綠色，因為安全邊際大d……..
另外買番一樣股數，仲有少少錢拎去飲飲食食 (開心下 XP)
福新我覺得略高啦，不過我仲拎左少少博業績……
(不過更開心既係，新天綠色2.91買，今日都3.49，摸底成功 XD)
不過呢排業績季好多盈警，真係要小心……….
否則好似太平洋航運咁，冇盈警結果一日死10%有多………..
但點解京能同大唐新能源到而家都冇盈喜，唔通……>_<
真心，要抵買就等年中，一者「五窮六絕」。二者風電第二季都唔好。
雖然上年年中唔算回得多，只係呆呆下冇咩成交咁……..
至於風電電價下調係一定既事實，不過會好似你咁講，遲d。
我記得唔知邊度講最後風電價格希望能同火電接近………
我就覺得會係風電棄風減少，同時做到個economics of scale就會開始減。
因為而家個scale同optimize都未能同火電compete住 …….
(打個例，一個風電場得2000hrs，但燃氣電起碼4000幾，同MW都一個抵兩個，
當然仲有其他，你懂的 XD)
至於200億缺口，我估調風電價前，中央會打本入去填左佢………
老實講，如果中央唔找數，上市公司要還銀行息，講唔過。
(如果真係行管理層持股的話，應該會更落力去追……)
不過大行吹保好勁，係要小心……….
但瑞信「風險和回報匹配和吸引」，我認同………..
只係暫時冇咁抵了 (可能因為大部份風電股都睇住由1蚊升上黎啦 XD)
上次唔記得回你，我係講2380中國電力。
對我黎講，佢吸引在:
1) 業務簡單，只有水電和火電 (其他乜都有，大唐發電仲要掘煤)
2) 水電比例高
3) 派息算吸引
4) 中電投注資? (學735咁同三峽公司一齊玩? )
5) 水電加價
但風險係:
1) 負債極重，唔係國企恐怕已……….(當然佢係四大火電股中最低債)
2) 政治性，尤其李小琳係李鵬個女 (係咪我睇得大紀元多 sosad)
3) 股價長年一沉不起 (蟹貨多)
4) 太政策性，調價彈性低 (電力改革…..?)
至於煤電聯動暫時唔太擔心，始於十年欠債………..
水電就冇咩爆炸性既，要起既都大部份起完啦，風電同太陽能反而仲搞緊所以先發…..
不過穩定性好咁lor…….
5~6蚊系1/2年後的目標價，今年就只睇 $3.2~3.8。
但點知三兩下手勢就破了。2蚊升3蚊熬咗一輪至得，但3蚊升4蚊一天就搞點，
唔知係唔係之前批出來的股票落入強者手上 或 新能源股炒得越來越顛！
最近升得好急，又過了我之前的目標，加上外圍又唔知點，
所以食咗糊先算(其它股票座緊艇，所以先鎖著利潤)。
不過，上次我做的盈利預測有些保守…
今日睇翻，如果進取一點 2013 年攤薄 EPS 可能有 RMB0.24，
現價或者再升多 10 幾個 percent 至回一回 … 到年尾或者有機會見一見 $5。
我打算回番$3.8左右買少少，唔知得唔得…
近日816股價好給力，我另一個推測是：母公司收購加拿大LNG 可能有著落，
如果阿媽預埋816，816 可能又要伸手批股，所以又要炒一炒上去先！
… 不過純屬推測！
恭喜巴打 956 入到個靚價。$2.9 我也有興趣，不過這排唔貼市，無緣了。
$2.9蚊樓下真的不怕買，起碼批出來的貨都唔只這個價啦，哈哈。
(不過如果講純valuation角度，我$2.6/2.7至吼956)
我近日也入了2380，不過只賣了2000 股(其實我其它股票的銀碼都好細，至在參與嘛，哈哈)。
2380 真的有點 under value， 不過好像你說，姓李的，所以有個大 discount。
如果有大行出一出報告，股價有望上 3 蚊。
唔知點解，我好多時覺個市場對水電估值有點偏低。
2380開始有風電，不過很少，好過無吧。
咁多隻風電新能源，我最喜歡還是816，之後就956。
個人覺得，這兩隻透明度、進取、盈利能力 、股值 都較其它吸引。
不過，D風電股升了咁多，回吐上籬可以好勁！
啊， 系風電股身上賺錢越來越講 膽色 + 身手 + 眼光了。
唉，提起潛水既股票呢……(苦笑)
0816我覺得係大家熱炒炒成咁。
同埋點解會升得快過0956，一個原因係佢一手2000股，新天綠色一手……..
不過3.8呢……….我見4蚊好硬，睇下業績會唔會唔夠好……..
但我覺得同LNG冇咩關係………
不過講起LNG，如果分布式能源開始做起，其實福新可以再revaluate……
新天綠色我估今年約賺21仙港紙，現價PE17。
上半年賺10.18分，今年增長應該好細，計人仔同配股後，應該係咁上下…..
我諗住平穩揸到4蚊，大市好少少應該唔難。
不過公司管理，新天綠色好d，華電既都比較一般 (有人話華電國際電力都係咁)。
不過最差應該係京能，份年報我睇好耐都唔肯定佢寫咩 -_-
水電我會諗佢個amortization，因為一般水電站都係計20年(定25?)咁上下。
佢個折舊完左就係白賺。
我對水電既revaluate一般，除非繼續上調價啦…….
同埋有時我會諗，佢點同0735隔開?
當年買多一隻殼係為左吸水，定………
(因為中電新能源雖然裝機大，實際感感似垃圾筒，股權股本分怖亦差)
定諗住比長江電力作為H股base?
所以我對2380有一定介心，除左話係姓李既 XD
*************************************************************************************
風電股開始正常估值啦。
不過買正股唔係就要佢升咩? XD
我會覺得幾隻大既風電公司呢三兩年會再一個開，尤其來臨幾年會有大牛市。
有時都感慨，睇住幾隻由1蚊升上黎，我既第一年股票收獲就係咁黎。
雖然相比殼，甚至科網賭股都升得慢，好似總覺安心咁 XD
不過我也開始搵緊下一個能夠升double既版塊。
近來我就留意/有買航運股，唔知巴打你又點睇 XDDD
你又有咩心水? XD
(今日又見中海發展4字頭，又心動了 XD)
早前清了風電股，但手多多又買了一些唔等洗的股票，…而且潛了水 >_<
—————
華電(816同母公司)計劃中的兩個LNG項目規模其實好大下，
2個合共每年2,400萬噸LNG，據說中國2013年全年進口LNG量都無咁多。
雖然956也有個1,000萬噸的唐山曹妃甸 LNG 項目，
但扣除四叔那份，956的實質權益只有11%。
如果816的海南 LNG 項目真的落實(每年1,200萬噸)，到時唔至壯大自己的燃氣發電業務，
多出來的 LNG 仲可以賣給人，到時股值可以有很大的升幅。
不過一日不落實建設，一日都是概念！而且要睇天然氣價格市場化進度。
如果論管理質素，我覺得816會好過華電國際(1071)一點，
因為1071的火電廠分散於多個省，所有管理要多花精力，
而816的水電+火電全在福建。
以前我都見過有人說華電管理不怎麼好。講真我寡陋孤聞，
買816之前，我只知道大陸有大唐同華能兩家電力公司，
對華電集團真的毫無認識。
睇翻以前的資料，係2002年國家電力公司分家時，
華電應該是五大電力集團較弱雞的一家，不過發展到今天華電集團都算不錯了。
歸根到底，管理質素體現在營利上，睇睇以下數字可以知道華電集團在進步中：
1a. 2010年，華電集團尾二
2010年五大電力集團當中，華能集團淨利潤最高，達到42億元，國電集團、中電投集團和
華電集團淨利潤分別為37.5億元、33.89億元和17.5億元；大唐集團虧損1.1億元。
1b. 2013年，華電集團跑到第三位：
2013年，華能集團實現利潤208.44億元，繼續位列五大之首。其餘依次為國電集團157.94億元、
華電集團151.74億元、中電投集團111.56億元、大唐集團110.66億元。
2. 論2002~2011年總資產增長率，華電其實跟龍頭華能雙若(華電同華能期間分别增長6.26及6.04陪)。
華電
華能
—————
有時好矛盾，風電股實質業業務其實不錯，年年有增長，
但股價已經升了那麼多…難度日後股價能如過去每年翻一番嗎?
Anyway，在我的猶疑中，我還是睇好816。
華電集團規劃是到2020年風電裝機每年增長超過20%，
816的風電業務增長也應相若吧。
另外，上星期消息話 1000MW 以上水電站有 VAT 退稅優惠，但2380沒有反應。
—————
至於其它板塊，我較看好電動車，不過只對研究燃料電池的189有興趣 (電動車的核心應該算是電池！)。
我想189今/明年有機會靠燃料電池翻身。以前離子膜是純炒作概念，
但我猜想東岳的燃料電池今年開始有多一些實質進度，
不然不會(高調)在兩會向總理匯報！不過189很多蟹貨，要升都有難度！
襯市況差, 睇睇 tesla 的制造過程(見另文)。
stockbisque
3.8有無買返少少816
係$3.82買翻少少。
不過剛看完2013年業績後有點後悔 >_<，
水電發電量比預期差好多下，
而且CERs計提壞賬額好大，一削就削2.498億元。
希望明天(24號)股價不要跌得太厲害吧！
唔跌仲升喎
我4.05沽清了
等跌再買返
stockbisque兄會否寫篇對816的業績睇法?
哈哈，你沽的價比我好，我一開市就走了，因我怕會跌
…但事實是今天816相對其它的風電股都要好。
816 的業績雖然比預期差了D，但以好的方向想
去年一次過把全部 CERs 壞賬 撥晒，以後就不會再被壞賬拖累。
至於水電發電量比預測的少，就要徙時間去研究一下。
今年預計雨量不會怎麼好，所有惟有指望風電發電量的增長了。
希望管理層會在業績發布會講今年預算有多少新增裝機容量啦。
如沒有其他利好消息，股價可能要等福清核電6/7月投產至有較大的升幅了。
另一方面，最近所有風電股回落，我反而覺得健康。
我set左一有reply就會e-mail notify，但竟然收唔到 sosad
我都買左d唔等洗/non-core股份，全部潛 >__<
但另一樣睇到既，係CDM provision哂係好好多，
華能/大唐/龍源 VS 福新 / 新天綠色，高下立見。
(但唔知點解龍源份report用左一大段寫「黨群建設」，搞咩鬼……..)
但講起，福新呢1-2年會唔會有新資產注入，or 由1071買野呢?
************************************************************************************
我個人就賣哂福新轉入新天綠色，再加國電科環。
諗住福新會大跌，點知4蚊邊又頂到 (我4蚊賣左)……
國電科環就………實在太太太殘啦~
金風跌極仲有8蚊，科環唔應該咁差……
(雖然經營模式有唔同)
至於其他股份，我暫時冇眼睇，留住cash先好了~
(PS: 火電股應該睇電費多，水電VAT唔係個focus，而且2380得20%水電而已)
咦，個reply比system食左d字!!!!
Repost先
********************************************************************************
我都買左d唔等洗/non-core股份，全部潛 >__<
我個人就賣哂福新轉入新天綠色，再加國電科環。
諗住福新會大跌，點知4蚊邊又頂到 (我4蚊賣左)……
國電科環就………實在太太太殘啦~
金風跌極仲有8蚊，科環唔應該咁差……
(雖然經營模式有唔同)
至於其他股份，我暫時冇眼睇，留住cash先好了~
唔得woo，又食字既!!!!!
只好逐part回啦 >__<
基本上我所有股票都潛哂lu~
(光棍就當放假，唔洗點留意股票 XD)
—————
福新海南既項目，唔知係獨資定合營…(上網見就獨資)
我突然諗起新天綠色既曹妃甸LNG收氣站。
做中轉收過路費/賣氣唔緊要，但入口價幾錢先……
而家進口氣源咁貴，會唔會要「保通工程」，要蝕住做…….
至於五大電企嘛，國電唔評論(因為得國電龍源/國電科環，國電電力係A股)。
大唐就最渣，又重債，得個規模。
中電投應該好d (但有d人中電投d人衰d)，華能就最好。
我會睇年報用字黎睇管理成點，即刻分到個管理層得唔得…….(當然可能有武斷)
至於資產增值，我又覺得關係一般，我會重負債水平多d~
Part 2:
風電股基本上洗到收哂皮。
接近去番起步升既中段。
大唐最慘，去番起步價，差在未穿1蚊。
福新同新天綠色業績都唔錯。
但點解間間下半年業績都麻麻地呢?
福新有四大能源，可以睇高少少，不過下年應該要再批，負債好重。
新天綠色冇左「兩免三減半」，預期內差過上年。
不過要小心佢有d「三免三減半」風電就快到期。
不過新天綠色派多番息，都係救唔到股價 >_<
我個人就賣哂福新轉入新天綠色，再加國電科環。
諗住福新會大跌，點知4蚊邊又頂到 (我4蚊賣左)……
國電科環就………實在太太太殘啦~
金風跌極仲有8蚊，科環唔應該咁差……
(雖然經營模式有唔同)
至於其他股份，我暫時冇眼睇，留住cash先好了~
(PS: 火電股應該睇電費多，水電VAT唔係個focus，而且2380得20%水電而已)
關於816的LNG，財新網報道「據市場預計，從加拿大產出的天然氣加上液化、海運、
再氣化成本以及投資利潤和稅費，到日本等亞太地區的到岸價格，
折合成人民幣約為每立方米2.5元-3元，而江蘇、浙江和海南等地當前工業用氣終端的
價格在4元每立方米左右。經過2013年的一輪天然氣價格改革之後，
天然氣進口商開始逐步改善虧損局面。華電未來所進口的天然氣無論是自用還是銷售，
在價格上都有了正面的預期。」
至於盈利潛力有幾多，先假設816每立方米賺1毫子
及1噸LNG可產生1350標準立方米的天然氣，
每噸即係賺$135。816海南LNG項目年處理能力係1200萬噸，
即以簡單的計算每年可賺16.2億。
不過，816的LNG項目暫時都是停留在構想階段，所以以上簡單的計算純屬齋up。
1200萬噸LNG是一個什麼概念?
新天綠色 2013年全年完成銷售14.84億立方米天然氣，按1噸LNG可產生1350標準立方米的天然氣，
相當於1,099,259.26 噸。嗟係，11家956先買到1200萬噸LNG。
————
講翻816的業績。如果撇除CERs的提撥，816的業績都算不錯。
不過水電只得7,683,251.2MWh，真是比預期少頗多，
而且這個數包括新收購的水電站的發電量。
本來諗著股價會回一回到$3.6倒，但見4元都有支持，
而且股價仲高過579，真係好少見！
現在吼低位買翻一點點816。
我見579有D oversold，所以買了一手博反彈。
個人覺得579管理質素一般，睇完份業績都找不到公司裝機容量有幾多，
啊，咁基本的野也冇。另外，網頁好耐沒有更新。
… 也許579近年的高增長是出於環保的需要多過公司管理能力。
見956回到現在價位，也入了一D，不過如果股價升10%也會走人。
有時覺得956也算進取，但睇近年風機新裝機容量只介乎100~150MW，
又頗保守。以增長速度看，股價短期升幅有限。
有時想，班大戶點解會係$3.35接貨？
過左一個禮拜，所有風電股都再一次收哂皮，
巴打，你別來無恙嘛? (sosad)
呢一轉咁跌，小弟真係刻骨銘心。
就好短時間而已。
唔知今年起唔起得番身呢?
————
先講福新吧。
其實佢日後係咪想「風火水核氣」5大都做 (我諗起大唐發電)
但咁莫財，咁大鋪生意，佢又得唔得……
同埋幾時同母公司/華電國際電力買野呢?
(不過1071 d風電場，係咪因為要符合國家「新建火電廠要同時建清潔能源」先搞既呢?)
不過股價終於「不跌不跌還需跌」了。
再等下吧，雖然喜歡的現價似乎也不貴…..
————
京能既燃氣熱電，我用左好多時間先搵到出黎。
綜合埋realforum既資訊如下
(你會見到realforum講京能個post打d類似既野，因為其中一個係我黎…..)
已投產:
*太陽宮 780MW 74% (國電電力合營)
*京橋2期 838MW (西南熱電中心)
*京豐燃氣 410MW
未投產:
*高安屯城電 845MW (東北熱電中心，2014年末投產)
*京西燃氣1308MW (西北熱電中心 / 延遲[予定2015 Q1])
*上莊熱電 (2015年)
*昌平未來城 240MW (今年6月)
*首都空港熱電 (計劃中)
*海淀北240MW (可能今年)
再睇呢篇野:
http://finance.sina.com.cn/chanjing/cyxw/20140310/155618461984.shtml
所以股價大跌了。
不過京能既「政治任務」係比較大的，我承認。
你當佢係「公益公司」上市抽水就好。
管治真心一般般，唯一有樣好係北京風電0.61電價 + 獨營。
————
新天綠色又係跌得好慘既，睇圖仲要好似唔止血咁跌……
其實佢業績真係算好好，派息又好左 (風電/燃氣股中最高)。
可惜散戶太多，一跌連招股價又穿埋。
其實我反而想佢發展唔好太快。
雖然電力 / 新能源重資產行業，負債重係好正常。
但其他都太重債啦，利息食左Net Profit一大部份。
做大但不強，幹來做什麼……-_-
雖然你可以話保守，但我卻不然…..
————
呢一波唔知仲要洗幾耐 (雖然我估日子不會太多)，3月國電龍源數據又唔好……….
睇路就好……
(PS: 巴打有冇諗過加comment edit功能…..XD)
啊，世時難料，雖然風電股從高位跌了2成以上，但我最傷的不是風電
而是一D唔等使的股票，好似686咁，1.4買，現在一半都冇。
其實我不嘍都唔睇我太陽能，但那時賣晒風電股，見招商做後台，
所以試買一下. . . 結果系中招的招，好傷的傷，一殼眼淚。
經此一役，日後都是專著系風電股，起碼有喳拿！
我的風電是前排買，所以同現價查不多。
風電股我想可能再跌多一 D 吧，前排跌的原因大概是炒政策及獲利回套，
離緊跌的原因應該是首季度風力差導致發電量下降。
不過現在 D 股價應該進入合理的範圍了。
唔好話我又推816，816雖然的股價雖然好似跌得小，但其實是最底的！
816雖然債高，但增長相對穩定。雖然816風火水核氣樣樣都有，
但我估計它的策略是以福建的發電(即水電+火電)cash cow
支持風電和天然氣發電，其中以風電為主，而天然氣發電就是乎氣源和政策見步行步。
2013年福建那隻 cow 大隻所以今年風電預計增多 1000MW 以上，大約是2013年的兩陪。
至於核電，基本上核電的發展是跟國策的所有好被動，再加上福清核電816只是小股東。
其實816在福建還搞緊龍岩核電但十畫沒有一撇，而且內陸核電最快也要等十三才開始研究批不批。
816福建牛牛(cash cow)是火+水，所以如果煤價處於低位對816有利。
816的策略有點像956，956以氣養風。
現在忙於放假的事情，其它的風電股復活節後再談，哈哈，希望到時股價也復活了。
師兄，你之前買的579還在嗎？
哈哈，剛好一個月了，股票就如2個世界了。 (次次想回都唔得閒，電話回又唔方便)
巴打放假又去左旅行? XD
不過講起聯合光伏 (我初時以為同聯合動力有關 XD) 。
我都有貨，不過我比你低好多買，$0.83，都一齊坐船了。
其實呢隻野要捱一陣頗長時間，除非大炒得炒。
一來股權 + CB，二來打招商新能源入去時作價太高，goodwill幾十億。
我一向對國企有份都有一份保留，因為大部份國企高層都冇股份。
所以我對0686咁轉型，其實好殼feel。
不過我認同有人講，你諗下當年點打風電入去0182，咁我覺得現價買…….
反正舊主CB $0.507，招商$1，不過要等等等，尤其個故仔吹得太大……
至於太陽能，個人比較睇好發電股。
因為發電比較固定，賣發電板比較fluctuate。
(個人反而想知3800買451後會點)
至於風電股，連福新都向南走啦。
如果福新3蚊就會好sexy，反正會有動力炒上去批股。
不過第一季風電的確弱左d，所以綜合型風電股既穩定性會強d。
核電會有排等，而家既社會政治環境都不理想去大搞。
天然氣福新暫時都唔大，還要假以時日。
不過佢北方風電較多，其實今年我睇好。
同埋炒味好，會上得快。
新天綠色去到2.4，其實我頗失望的，一來我持股最多，二來真係好殘。
算管治較佳，業務有依靠，但每次大市一落就跌好多，連招股價都穿………..
不過以佢既走法，應該要等大市信心回來才有機會。
盈利點都係氣源，因為風電應該發展暫時都比較細 (我估佢今年派息多係出年project較細) 。
不過好彩既係，兩年內都唔再抽水……….
京能我係仲有的，$4.95買，上到$5.2冇賣，而家日日跌 sosad
PE13都唔貴，有少少想多買一手。
不過我諗等到開始橫行先考慮…….
呢一波，要好好儲錢了 XD
不過暫時市咁差，反而我想買另一間河北企業 – 秦皇島港 3369。
一來息高，二都碼頭業務係好平穩，三來可以當煤炭股leverage。
(秦皇島港係煤炭港，A股唐山港就集裝箱)
個人拎住50-60%倉位在風電板塊，算是適合了………
呢個市，最好的方法，就是「厲兵秣馬」了。
放咗一輪假，複活節已經回來了，不過個市唔至唔複活仲死多幾錢重。
好彩，這幾天好一點。
啊，舊年大約這個時間都同師兄說如果舊年有放假可以逃過舊年5月份跌市的一劫，
今年假是放了，但因為坐艇所以放假前沒有清貨，結果今年又挨了一劫。
講起聯合光伏(686)，真是上了一場課：投資前一定要做足功課。
之前嫌華電福新光伏業務偏少(2012年年底只有127.4MW)，所以求求其其去買聯合光伏，
貪其招商背景和拼購能力。結果，收購了無幾耐的公司就要撇二十億。
真唔明佢地點做diligence/analysis! 咁高價收購…唔知有冇貪腐成份！？
對686管理層沒有信心，如果升近1元就一個字：閃！
*****************
講下華電福新的光伏，原來2013年增加了300多 MW，2013年年底裝機去到435.2MW。
相反，聯合光伏狂收購到最近裝機都是531.7MW，而且今年首季只發 96,651 MWh
(利用小時好抵啊!)。
啊，早知福新光伏業務增長似D樣，就唔多手去買聯合光伏啦！最慘最後仲中伏。
因為 1071 及 902 的第一季業績不錯 加上 華電集團加拿大LNG收購有著落，
所以我在福新第一季業績前後 ($3.7)入了一點，現在座緊艇。
最衰沒錢如果唔係星期一$3.2補翻 D。
不過我對福新有信心，過去幾天清了一些倉(雖然有D唔舍得，但2380也走了)，
如果福新再見$3左右，就入翻 D。
雖然第一季水電和風電利用少時較去年差，但福新第一季也賺4.3億元，
增長有3成，算不錯了。如果今年全年煤價相對平穩，第一季後水及風有改善
加上核電一個機組7月投產，全年業績有望增長2成以上，可能是風電股
(我是指956，958，1798，916，1798)中較特出的一間。
京能我在 $3.5 也入了一手，博它升到$4 …京能的勢真是不太好，連$3.1都穿了。
如果論股值，現價算ok，不過可能 D 炒家走了貨，沒有咁快翻轉頭
(近來很少聽人打上電台問579股價)。我想再有新機組投產股價至有轉機。
至於四月時買的956，升了幾個%已走了。956今年盈利應該沒有驚喜，
所以我沒有動力去揸/買。
福新2013年的EPS差不多是956的1.5陪，所以以956的現價，
我寧願買福新。 不過，福新是衆多風電股唯一
一家現價仍然高於2013年全年高位的一家，所以可能還有人要出貨
… 出乾貨之後至有動力回升。
*****************
個人覺得，到5月底前都要忍手。話就話烏克蘭地區有地緣政治風險，
但歐美股市在高位企得幾穩，反而中港 離 烏克蘭 咁遠就無厘頭之前跌千多點。
話就話sell in may, 但可能其實是南海地緣風險的前期金融部處。
個「戰場」可能是南海，希望唔好比我猜中啦。
不過越南的抗議演變成對外資的暴動、搶劫，可能領到越南的氣焰收斂一D。
總之，南海圍堵風險大於中國經濟放緩的風險
(後者風險可控，但前者就不好說了)。
啊。。。估唔到買股票都要睇埋大國擱力的因素。
如果風電股年底回勇，我相信816可見$4.5 , 579見$4.2,956見$3.2；
不過可能風電股(或香港整體股市)仲未見全年低位，所以要額外「小心」。
其實一向打資產買殼都會打好多水份入去……..
你睇佢第一年打入去，24億goodwill就知，冇記錯仲有好大舊數係「用地建電站權」咁。
所以實際係負資產既 (capital – total assets = negative)
我估出年會少d減值架啦，因為冇咁多capital比佢減。
但至於要做出成績，應該要多兩年左右，而且佢個fantasy吹得太大啦。
但遲早太陽能應該會再炒一轉，1蚊應該得既……
不過用福新比聯合光伏我覺得有不妥，福新始終係統合型新能源 (除可門電廠外)，
聯合光伏得一味。
太陽能發展我自己比較一般，因為可用時數低，一段不短既時間都要用補貼。
但我頗睇好分布式，但個情況會如早年風電咁走……
如果上游做板做chip又要面對雙反，唔易行啦……
好彩我聯合光伏買左好少好少，雖然呢個位我想買黎博炒。
*****************
福新我好有性趣再入 (可惜我d錢食死哂)。
不過睇個樣今年會再抽一抽水，債好似好差……..
核電佢gen左出黎再睇，但其他應該都會好好多……..
希望水電會理想就得。
福新最好就係風電既fluctuate影響較少。
京能就只能攤開雙手慢慢等……
如果見到大跌市都頂得住3蚊，咁應該見底了。
新天綠色就接近肯定冇驚喜架啦。
我只係喜歡佢相對穩建的經營而已 (同相對高既派息)。
不過我前兩日睇到文章，話京能同新天綠色已經冇左風電商頭十lu~
http://www.escn.com.cn/news/show-134249.html
*******************
大市係要再捱一般時間。
不過我其實相對風電股 (雖然應該今年都會唔錯)，但我開始對內地券商股有性趣……
今年好多消息利好，都同證券有關既…
京能先前有證券行話京西項目投產時間將延後至2015年年初，股價好像那時開始走樣。
最近我見到京能母公司預計京西項目六月底投產(我估計大概有2個機組投產吧)。
京能今天有喜色，股價可能已經見底，上星期的$3.1股價頗為吸引，不過暫時市況下忍手為妙。
京能有政府補貼有好有壞。我想如果京能少D倚賴補貼或燃氣項目能走出北京，前景會好一點。
不過如果走出北京，燃氣項目盈利能力少好多下。
***************
新國九等金融政策長遠利好券商，但奈可券商升得快，但跌得一樣快，
有時很難掌握升跌節奏，所以沒有諗這一範。
***************
先前巴打建議加 comment edit功能，我查過用wordpress自架網站至可以加 plug-in 改 comment,
好似我地寄居係 wordpress 的，沒有這一功能。
哈哈，唔好意思了…