華電福新(816)的盈利預測與股價狂想

筆者由華電福新(816)上市時已經跟蹤該股,個人認為公司的基本因素較其它的新能源股公司稍好一些但股價卻偏弱,直到踏入2013年12月(見下圖)。進入2013年12月華電福新的股價開始轉強。雖然暫時不能確定股價的強勢可否持續,特別是過去一年股價已經升了一陪,但趨勢值得關注。
stock_price_before_2013Novstock_price_2013Dec
股價強弱固然有其指標作用,但筆者較睇重公司本身的基本因素。以下是簡單的2013年盈利分析。

2013年盈利分析
火電:
截至2013年12月31日,可門發電公司累計完成年度發電量142.05億千瓦時。根據華電福新2013年中期報告,可門電廠可門二期共四台發電機組平均利用小時數為2,668.0小時,這相當於上半年發電量為64億千瓦時。換句話,可門發電公司下半年發約78億千瓦時,較上半年增長21.8%。由於下半年的煤價較上半年的為低(見下圖),因此,下半年的發電成本肯定較低、盈利更高。
coal_price_2013
暫時沒有其它電廠的發電量的數據,但如果其它電廠下半年的發電量與上半年相若,那麼全年火電分部利潤粗略大約有1,600,000,000元(人民幣,下同)(2013年上半年為763,278,000元)。

水電:
公司上半年水電發電量為4,503,353.0兆瓦時。關於下半年水電發電量的數據很小,所以只可以大膽推算。

棉花灘水電公司是華電福新以裝機量計算最大的水電公司。根據棉花灘公司的網頁,2013年全年“發電量比多年平均值超發1.9億千瓦時”。棉花灘水電的 “多年平均值”大約是19億千瓦時,所以推算出棉花灘水電2013年全年發電量為20.9億千瓦時,稍為比2012年的21.32億千瓦時發電量低一些。

福建2012年是雨水特豐年,但2013年雨水是偏少的,棉花灘水電公司2013年發電量與2012年相若主要是2013年雨量分佈反常——福建南部的降雨較北部的多(見下圖)。從圖所見,三明市降雨尤為偏低,但有點意外就連位於三明市的安砂水力發電廠指旗下多間電站“有望完成年度發電計劃”。(2014-02-06更新:同樣位於三明市的池潭水電廠大概只完全2013年年度目標的發電量的75%。)

rainfall_distribution
此外,華電福新在2013年下半年裝機容量有所提升,增幅大約11%:2013年9月華安水電站新增80MW裝機容量和在2013年12月收購181.64 兆瓦。

整體來說,華電福新應該完成2013年全年水電發電量80億千瓦時的目標(2012年目標是90億千瓦時),而且有望超標。估計下半年水電的分部利潤跟上半年相若。

風電:
關於風電的資料很少,但基於(a)棄風限電情況有所改善和(b)裝機容量增加的假設(註:公司積極入股中國風電(0182)可能預示風電上網率比預期的好),下半年的風電分部利潤應不少於上半年。不過不知公司會否為CERs作撥備/減值。

其他清潔能源:
其他清潔能源的裝機容量在下半年應有小幅增長,但分部利潤應不會有明顯增減。

分部利潤預測總結
2013年,華電福新火電業務受惠於煤價大幅下跌及落實收購可門二期,利潤大增;而水電業務雖然面對降雨偏低的情況,但憑較好的調度和水能利用與外部收購,利潤雖較2012年低,但整體成績沒有令人失望。關於風電的資訊實在不多所以實際盈利很難預測,但隨著電網的改善和棄風限電的情況好轉,盈利應該較好。此外,隨著國內碳排放交易市場的發展,未來CERs的收入將會增加。華電福新於2013年12月19日在廣東省碳排放權交易市場完成了一筆122萬元碳排放的交易(2013年上半年這方面的收入為零, 而2012年全年收入側為111,729,000元)。至於分佈式能源,進度就比預期的慢,希望西氣東輸三線的貫通會帶來轉機。

整體而言,2013年下年年的盈利應與2013年上半年相若。假若財務支出、利稅沒有太大的改變和沒有出現如2012年維修及維護費用的大幅增加,2013年全年每股基本盈利估價為0.22元(人民幣)( 註:2013年上半年為0.1121元; 2013年首9個月為0.165元)。

股價推測
如上文提及2013年11月前華電福新股價偏弱,筆者推測背後最大原因是市場憂慮持有大量股票的基礎投資者隨時減持。在2013年,每逢有基礎投資者減倉,股價都受壓一段時間,但消化後便向上。

華能集團可以說是最後一個持重倉的基礎投資者,隨著它在2013年12月18日悉數沽出所持華電福新的股票,只要社保南車持有合共大約11.32%。由於現時華電福新股票大部分落在大戶手上,大戶應該樂見社保或南車繼續減持以便進一步吸乾貨源  (最新消息:南車持股量已低於5%的強制披露水準;南車在2013年12月31日的減持而同日匯豐卻增持!)。有一點值得提的是港交所的股權披露顯示China Ming Yang Wind Power Group Limited持有141,062,000股,但以筆者理解明陽風電已於2013年4月15日清倉呢。

筆者以前估計華電福新2013年第四季市場價格介乎HK$2.5~$2.9,但參考以往走勢升完一輪便向下整固,所以在2013年12月初全數減持,希望稍後在大約HK$2.6買回。可惜華能集團批股後華電福新沒有想象跡象,反而企穩幾天後直上HK$3.50,這真有點意外。

現在基於2013年每股基本盈利有大約HK$0.28,筆者估計華電福新2014年全年股價介乎HK$3.2~4.0(相當於2013年歷史市盈率的11~14倍)。啊,雖然好矛盾及肉痛,之前低價沽出今天(7日)卻高價(HK$3.30)買入了4,000股;是貴啊,就當作超長線投資吧。

現時,華電福新裝機容量已經超過10,000MW大關,筆者估計在不需外部收購或注資(即organic growth)的前提下,2016年年底前裝機容量會增加10,000MW,到2019/20年年底再增加10,000MW(註:裝機容量較容易預測,相關的盈利就很難了),所以現價雖貴但華電福新長遠股價可能會到5~6元。希望沒有預測錯呢,哈哈。…不過,筆者也樂見股價回落到3元以下以便吸納作長線投資!



免責聲明: 由於部分資料來自網上或筆者觀點/計算有誤,本圖表/本文內容可能存在錯漏和僅供參考之用。讀者在作任何投資決定前請諮詢專業人仕及自行承擔一切投資風險。

Advertisements
This entry was posted in Uncategorized. Bookmark the permalink.

8 Responses to 華電福新(816)的盈利預測與股價狂想

  1. KU541 says:

    又見巴打大作,當然要十卜 XD
    我早幾日都粗略睇過幾隻風電股,有以下諗法……

    816華電福新其實可以發盈喜,我比你更樂觀,24-25分人仔左右。
    不過火電煤入廠價未必咁低,要睇佢個合同煤條款點定。
    風電我就頗樂觀,因為見國電龍源同華能新能源今年都幾好。
    一方面棄風少左,二者上年基數低。

    2014盈利能力就,一者中國風電既投資入帳,二者本業,三者福清核電。
    今年派息我估同上年差不多,因為負債好重。

    958華能新能源今年又會盈喜,都係上面兩個原因啦,
    賣左福新又有一舊錢啦……
    我估出年都PE18x,真心唔平啦……

    956新天綠色就始終業績冇大驚喜架啦,又未批到股……
    希望今年資本開支較少,可以派多少少息啦。
    管理層上次EGM勉強過到批股議案,到今日都未批,算對股民好,冇亂批……

    有傳河北天然氣會比多d,因為帝都空氣太差,希望真係啦…….

    182中國風電入股,好多人睇好佢同福新做太陽能,我就覺得唔係。
    最大既好處係泊到大碼頭,因為佢個模式係「拎地>賣電廠權益>控股一齊做」。
    今年睇到各大公司新裝機都慢左,根來冇人買廠做啦……..
    所以一者批到股有錢,二者有fd底一齊做電廠,盈利有保證。
    (有人話EPC業務好左好多,我有保留,我諗都係基數低)

    最睇唔透係579京能。
    明明燃氣電食補貼最多,但又可以咁貴?! >_<

    不過大家股價就好好啦,都係要第四季先升…….
    新天綠色我估要慢慢等,但中線應該會好好,雖然一般都最慢……..
    我見佢唔少日子成交都唔夠多…….
    (我2.8賣左少少,2個4左右買既,1.7買個批在業績第二日早排隊2.35走哂,冇死哂)

    福新就好硬,呢兩日都大V字跌少少,只待時機…..
    (不過我賣左少少啦,1.7買既)

    中國風電,唉…….(我0.28買,0.5賣左啦 /_\ )
    我覺得等炒味少d先值再考慮啦…..

    個人認為風電股年中表現都差,想穩陣買就等到個陣先……….

    • stockbisque says:

      多謝巴打支持同分享你的高見 XD!

      今期816有條件發盈喜,但2012年盈利翻一翻也沒有發盈喜,所以今期唔知會唔會發。
      最近所有風電都升得很靚,唔知遲D會否來個大幅調整,不過我想業績公布前也不會吧。

      關於956的批股,我有不同的想法。公司2013年中有6.1億元現金,
      話多唔多、話少唔少,但使唔使一次過發476,725,396股新股(H股的35.0%)咁多,
      仲要折讓不多於20%。其實新天綠色每年的“一般授權”也有可以發20%新股,
      而且批完大家至知、折讓也可不用那麼大,股價可能受壓幾天又彈翻上來。
      而且如果真的要錢去發展,下一年批多一次就可以,
      好過現在的安排未批股價已在8月直插。

      其實,我懷疑新天綠色想比機會機構投資者以低價入平貨
      (FMR LCC 同Allianz SE在批股通告後第1個工作天就仆倒去撈底了),
      最後可能都是批20%左右新股了事。2013業績應該冇嘜驚喜,我到新天綠色批完股至再諗了。

      至於業務方面,先前河北建投與中石化的合作及煤制天然氣項目是利好因素,
      再加近來治大氣汙染的力度,天然氣業務前景應該可以再看好一些。
      不過今天有一段新聞話河北省天然氣與中石油+北控合作的唐山LNG項目
      每往外輸一立方天然氣,管道分公司就虧3塊錢左右
      (http://biz.21cbh.com/2014/1-8/xOMDA0MTdfMTAzNjExOA.html)。
      如果預計今冬明春輸送天然氣12.8億方,損失是天文數字!

      579的股價真的很硬,聽說有大行話3月再加補貼,睇$5以上。
      真是唔知北京市民幾時出來噪。補貼話就話北京市政府比,
      其實又是北京市民的錢!

      另外,735(中國電力新能源)近日發威,升咗好多,唔知有嘜因素支持股價!

      • KU541 says:

        要買多d既,咪年中買,反正年中風電股都好靜………

        估唔到0956咁就上左,高盛吹$4.6……….
        我自己覺得冇咁快顯現,出年可能得。
        不過佢既見解我認同,少管道費,純賣氣既股份會較理想。

        到而家都未批股,究竟搞咩….
        不過而家個市咁差,我怕一批…………
        (我$3.51賣左20% sosad)

        至於唐山LNG,我諗左一陣,我諗項目賺在「過站費」。
        而且咁樣拎氣成本應該低d…….
        0857蝕係因為買氣番黎 (進口),0956既角色係買0857氣再resell………
        所以冇影響…….

        579提起小弟真係好傷心,成日覺得佢最貴點知…..
        (2012年底佢比福新早少少起步,今日一隻$4.81一隻$3.51……)

        0735既CB……..XD

      • stockbisque says:

        宇宙最強唱$4.6後,956股價無以為繼,可能它們自己出了貨就係咁先。。。
        又或者佢地都驚956乘機批股。

        睇翻956 2011年的通告話 唐山LNG JV「經營範圍爲液化天然氣的接收、儲存、
        氣化及相關業務」, 睇離唐山LNG JV不涉及進口LNG,所有進口每立方3塊錢左右
        的虧損,可能也是中石油自己咩晒上身!

        579舊年$2樓下也覺得有得諗,不過轉個頭已升到2個幾,而且它的盈利大部分都是
        政府津貼,覺得它風險大,再加上自己又沒錢所以沒打它主義。
        哈哈,沒本事賺它的錢。。。

        匯豐減持816,不過今年全國平均風電利用小時比2012年多151 hrs,
        而816風場主要根據地(新疆、甘肅、內蒙)增長時數好像也不錯,股價應該鼎得下。

  2. KU541 says:

    呢幾日都唔記得覆 >_<
    不過剛好,新天綠色同福新都配左股,匯豐又話京能去到6.3 (甚至9蚊 XDDD)

    0956配得幾好,$3.35,搵到14億。
    起碼唔再好似上年咁亂咁黎,股價都頂得住配股價。
    真心寄望15年會做到成績。
    (我$3.38賣左大部份,轉左買0579同揸下現金)

    另外唐山LNG應該係中石油自己頂,上網有報道話呢個係「國家重任」XD

    0816就配得麻麻地,通告仲要寫配股所得只有$3.3 XDDDD
    我估業績前應該差唔多。

    0579自從匯豐出左comment後,我真心去計一計。
    當然呢幾日突然話北京燃氣發電加到$0.65。
    (由京能report計到,應該係大約$0.55加到$0.65)

    其實燃氣發電係唔賺錢,冇補貼真係唔掂 (Net Profit ~4.5% if no subsidy)。
    不過我又突然睇,京能係值個未來。

    2013中期有既燃氣電廠:
    太陽宮熱電780MW 74% (剩低26%係國電電力)
    京橋二期 838MW (西南熱電中心)
    京豐燃氣 410MW

    (我只計到1700MW左右,但年報寫2028,可能係京橋一期調峰項目)

    2014會發電既:
    高安屯燃氣 845MW (東北熱電中心 / 部份,熱電中心另一間廠係神華國華合營)
    京西燃氣 1308MW (西北熱電中心)

    2015 / later:
    上莊熱電 (2015年,唔知info)
    昌平未來城 240MW
    (2012年報出現過) 首都國際空港燃氣項目

    裝機新增1個double。
    風電同水電,我覺得京能其實唔進取……..

    假設半年同全年一樣ratio,每股約賺:
    水電加風電: 0.08RMB
    燃氣: 0.093 RMB

    我用股價5蚊計,水電加風電14x,燃氣其實去到30x。
    如果出年水電加風電增長5%,燃氣不變,計及加燃氣電價,就會值5.8。

    事實上真係好貴,不過我買左少少,因為:
    1) 2014年裝機加一個double,當然要2015年先full capacity同反映去業績。
    如果我將個PE去番20X,都值$5.7,當其他constant都有$7.2。
    (我好滿足啦,如果去到$7,我知京能應該升唔到太多)

    2) 北京要「四環無煤化」,"「1+4+N」+X "。
    咁日後發電會愈黎愈多,因為現在有時燃氣發電都只係調峰用。

    結論:
    買京能係買未來,同市場願意比多d premium…….

    不過京能同福新業績都好難睇,我用左好耐先睇得明京能d info………
    要「咬文嚼字」先掂…..(hi auntie)
    相反新天綠色本書算係咁,比較清晰………..

    PS:
    咩叫靚同清晰?
    建議巴打你睇下2343太平洋航運d業績書,有心機到呢………..
    (可惜我一買就沉船了 sosad)

    • stockbisque says:

      956 近日的股價有點難看,跌穿配股價,唔知係唔係之前批股托價托得太高。

      反而816股價好樣好多,陸續有基金需要披露持股量。

      講翻956,我都幾個月沒看它了,一來無貨,二來2013年業績應該無驚喜嘛。
      不過,今天看到它的gas 好像有機會衝出河北
      (http://www.hecic.com.cn/html/qiyedongtai/9301.Html),
      但可惜巴州、葫蘆島不是什麼大城市,實質貢獻怕且不多。

      風電方面,抽了水,我估新天綠色2014年的新增裝機容量應該會大D。
      不過我對 菩提島海上風電沒有憧憬,因為除了916外好像沒有其他搞得好 (so sad)

      579我就好有戒心,覺得補貼總不是長遠之計(可能有錯但以我所知,
      大城市中燃氣發電北京補貼是全國最高的),而且搞好大氣污染 PM2.5 是政治任務,
      就算沒有補貼 579 也有做好。

      不過579玩上落都是個不錯選擇…579有時都跌得多,不過好快就賣翻上去。
      579的貨源都在大戶手上,街貨不多。

      網上有 579 融資券募集說明書,唔知幫唔幫到你分析,不過我嫌睇募集說明書好揌時間、精力。

      哈哈,例牌都講句恭喜發財,財源廣進!

  3. KU541 says:

    謝謝啦~XD
    最梗要大家身體健康,唔係邊有氣有力分析股票,同接住d錢? XD
    (恭喜恭喜 >3< )

    經歷完股災,估唔到0816真係好硬下,雖然中間跌過好多。
    相反0956暫時3.2左右好似都仲頂得住。

    不過葫蘆島就好似係鋼鐵重鎮,巴州就唔知,只知有一個風電項目在那。
    (1618中國中冶有一間叫「葫蘆島有色」,蝕到趴低賣左,所以我先知葫蘆島 XD)
    至於佢既光電項目,暫可不理,太細。

    0956當然大搞就應該係架啦 XD
    不過海上風電真係試既姐,有一定政治意味。
    不過應該包賺,唔係邊個肯試 XDDD
    (雖然話係省企,但我認為省省會更進取去賺錢,好過央企)
    但好多都未起,但兩三個,仲要好似得龍源既係歸上市公司,其他都央企非上市。

    我剛睇左北京電價:
    http://bj.bendibao.com/zffw/201374/109201.shtm
    (呢個係居民電價)
    http://energy.people.com.cn/BIG5/n/2014/0126/c71890-24227457.html
    (工商電價,剛宣佈加6分錢)
    之前我話0.55加到0.65,係指電廠賣電到電網既價格。

    我估遲d應該會加電費,只係民生問題先唔加。
    不過一者補貼冇遲,二者inelstic demand所以我先會買。
    買京能應該好過買其他燃氣股,因為電係一定要發。
    但燃氣唔用可以用其他,加上大多都好高接駁收入。
    (仲未計高負債同高PE,如果要買可能買中國電力仲好……….)

    上落就…..我手氣唔好,成日都蝕個d黎,所以揸1年睇下點先好了 sosad

    • stockbisque says:

      講翻新天/北控/中石油的唐山LNG項目每往外輸一立方天然氣虧3塊錢,在956的網頁見到這一句
      「按照省能源局的工作安排要求,公司委托中石油代購進口LNG,增大天然氣供應量,緩解河北省的供氣壓力,
      以保障全省冬季用氣高峰的供應量。」 我猜956進口的LNG有可能蝕著賣,除非省能源局包底 etc,
      但我估省能源局邊到有錢包底呢…不過956LNG進口量應該不大。

      雖然我不喜歡579的補貼,但估計補貼政策有2、3年也不變,不過它的PE真的太高,
      我頗為保守所以唔會諗579啦。

      哈哈,你提的中國電力是否指2380,我最近留意緊它,它好像有D潛質,
      特別是水電電價有機會上調 。有時間至睇清楚它的業務…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s